Ticker

6/recent/ticker-posts

Header Ads Widget

बनावट रेमडेसिवीर इंजेक्शनने ९० टक्के कोरोना रूग्ण बरे !

 


ऑनलाईन न्यूज नेटवर्क
नगर रिपोर्टर 
गुजरात- भारतात कोरोना व्हायरसने थैमान घातले असताना कोरोना रूग्णांच्या उपचारामध्ये रेमडेसिवीर हे इंजेक्शन रामबाण इलाज ठरत असल्याचे सांगितले जात आहे. या दरम्यान इंजेक्शनची मागणी मोठी असलेल्याने सध्या देशात या इंजेक्शनचा तुटवडा जाणवत आहे. तर काही ठिकाणी बनावट इंजेक्शन तयार करून त्याची विक्री केल्याचे समोर देखील आले होते. अशा परिस्थितीत इंदूर आणि जबलपूरमधील कोरोना रूग्णांना गुजरातमधून आलेल्या बनावट remdesivir इंजेक्शन देण्यात आले होते, या रूग्णांपैकी ९० टक्के रुग्णांना झालेला फुफ्फुसांचा संसर्ग बरा झाला असल्याचे सांगितले जात आहे. तुम्हाला हे वाचून आश्चर्य वाटत असेल पण पोलिसांनी स्वतः हा धक्कादायक खुलासा केला आहे. राज्याच्या आरोग्य विभागाने या बाबतीत गांभीर्याने विचार करायला हवा, असे पोलिसांचे मत आहे.
टाईम्स ऑफ इंडियामध्ये प्रसिद्ध झालेल्या बातमीनुसार, एका पोलिस अधिकाऱ्याने सांगितले की, इंदूरमध्ये बनावट इंजेक्शन देण्यात आलेल्या रूग्णांमध्ये दहा जणांचा मृत्यू झाला. तर १०० हून अधिक रुग्ण कोरोनातून ठणठणीत झाले आहे. या इंजेक्शनमध्ये फक्त ग्लूकोज आणि मीठ होते, असे सांगण्यात आले. मात्र मृत्यू झालेल्यांच्या मृतदेहाची तपासणी करता आली नाही, कारण सर्वांचा कोरोनाने मृत्यू झाल्याने त्यांचे थेट अंतिम संस्कार करण्यात आले आहे.
इंदूरमधील विजयनगरने दोन दिवसांपूर्वी ४ आरोपींना अटक केली होती. एका आरोपीला भोपाळ तर एका आरोपीला सांवेर आणि इतर २ आरोपींना शहरातून अटक करण्यात आली. आतापर्यंत पोलिसांनी या प्रकरणातील १२ हून अधिक आरोपींना ताब्यात घेतले आहे. काळा बाजार करणारे मुख्य आरोपी सुनील मिश्रा, पुनीत शहा आणि कौशल वोरा यांना गुजरात येथून लवकरच पोलिस इंदूरला घेऊन येणार आहेत. पोलिसांनी आरोपी प्रशांत पाराशर यांना भोपाळ येथून अटक केली. तो व्यवसायाने अभियंता असून उपनिरीक्षकाची तयारी करीत होता. त्याने मुख्य आरोपी सुनील मिश्रा कडून १०० इंजेक्शन्स खरेदी केली आणि ती इंदूर जिल्ह्याबाहेर विकली, असे सांगितले जात आहे. प्रशांत पाराशर हे कॉंग्रेस पक्षात सक्रिय आहेत. याला कोरोना महामारी दरम्यान, महत्वाची भूमिका बजावण्याची जबाबदारी राजकीय पक्षालाही देण्यात आली होती.

Post a Comment

0 Comments