Ticker

6/recent/ticker-posts

Header Ads Widget

शिर्डीनजिक डोर्‍हाळे गावात पुन्हा एका तरुणाचा खून !

 


ऑनलाईन न्यूज नेटवर्क
नगर रिपोर्टर 
शिर्डी - शिर्डी जवळील डो-हाळे गावामध्ये पैशाच्या घेण्यावरून एका तरुणाचा खून झाला आहे. या घटनेने शिर्डी डो-हाळे परिसरात खळबळ उडाली आहे. ही घटना शुक्रवारी (दि.27 नोव्हेंबर) रोजी रात्री साडेनऊच्या दरम्यान येथे घडली आहे.
याबाबत समजलेली माहिती अशी की, राहाता तालुक्यातील शिर्डी नजीक असणारे डोराळे या गावात एका तरुणाचा पैशाच्या घेण्यावरून खून करण्यात आला आहे. या घटनेबाबत प्रवीण माधव धारे( वय 25 रा. जवळके) यांनी शिर्डी पोलीस स्टेशनला फिर्याद दिली असून, फिर्यादीवरून गुन्हा नोंदविण्यात आला आहे. फिर्यादीत म्हटले आहे की, आरोपी चांगदेव पूजा डांगे, शंकर चांगदेव डांगे, अमोल चांगदेव डांगे रा,डोराळे यांनी हा खून केला आहे. शुक्रवार (दि.27) रोजी रात्री साडेनऊच्या दरम्यान योगेश सोपान दंवगे (वय 28 रा. पाथरे वारेगाव ता. सिन्नर) व फिर्यादी प्रवीण महादेव धारे या दोघांना शिवा रहाणे यांच्याकडून पैसे घेतले व ते घेण्यासाठी या तिघांनी या पैशाच्या देवाण घेवाणवरून प्रवीण महादेव धारे व योगेश सोपान दवंगे यांना शिवीगाळ करत धरुन हातातील धारदार शस्त्राने वार केले. आरोपी चांगदेव पूजा डांगे, शंकर चांगदेव डांगे, अमोल चांगदेव डांगे यांनी योगेश सोपान दवंगे याला पकडून यांच्यावर धारदार शस्त्राने पोटावर, छातीवर वार केल्याने गंभीर जखमी करून त्याचा खून केला आहे. या घटनेमुळे शिर्डी डोराळे परिसरात मात्र खळबळ उडाली आहे,चांगदेव डांगे ,शंकर डांगे, अमोल डांगे राहणार डोराळे यांच्यावर शिर्डी पोलीस स्टेशनला गुन्हा रजिस्ट्रेशन 755 / 2020भादवि कलम 302/ 307/ 504// 34 प्रमाणे गुन्हा दाखल करण्यात आला आहे. ही घटना घडताच घटनास्थळी शिर्डीचे पोलीस उपविभागीय अधिकारी संजय सातव , पोलीस निरीक्षक प्रवीणचंद लोखंडे,सपोनि मिथुन घुगे यांनी घटनास्थळी भेट दिली, आरोपींविरुद्ध शिर्डी पोलीस स्टेशनला गुन्हा दाखल झाल्यानंतर त्यांना अटकही करण्यात आली आहे, यासंदर्भात शिर्डीचे पोलीस निरीक्षक प्रवीणचंद लोखंडे हे अधिक तपास करीत आहेत. शिर्डीमध्ये देशमुख परिवर काही दिवसांपूर्वीच एक खून झाला होता व आता दुसरा हा खून शिर्डीजवळ होत आहे. त्यामुळे शिर्डी व परिसरात नागरिकांमधून मोठी खळबळ निर्माण झाली आहे.

संकलन : राजेंद्र गडकरी 


Post a Comment

0 Comments